AGRO FOOD EXPO 2025
სოფლის მეურნეობისა და კვების მრეწველობის 23-ე საერთაშორისო გამოფენა / AGRO FOOD & DRINK EXPO 2025 თბილისში
28-29 ნოემბერს თბილისში, საგამოფენო ცენტრ "ექსპოჯორჯიას" მე-11 პავილიონში სოფლის მეურნეობის, კვების მრეწველობის, გადამამუშავებელი და შემფუთველი ტექნოლოგიების 23-ე საერთაშორისო გამოფენა – Agro/Food/Drink/Tech/Expo 2025 გაიმართება. ის წარმოადგენს მნიშვნელოვან პლატფორმას რეგიონში, რომელიც ტრადიციულად, თავს მოუყრის სოფლის მეურნეობის, კვების მრეწველობისა და ტექნოლოგიური ინოვაციების ლიდერებს.
მონაწილე კომპანიებს შესაძლებლობა ექნებათ წარმოადგინონ პროდუქტი და მომსახურება, დაუკავშირდნენ მიზნობრივ ჯგუფებს, ინდუსტრიის პროფესიონალებს და პოტენციურ შემსყიდველებს. ღონისძიება განსაკუთრებულ შესაძლებლობას სთავაზობს დაინტერესებულ მხარეებს, დაამყარონ კონტაქტები და ხელი შეუწყონ ურთიერთთანამშრომლობას.
წელს გამოფენაში მონაწილეობას მიიღებს 50-მდე კომპანია 6 სხვადასხვა ქვეყნიდან.
გამოფენის მიზანია წარმოაჩინოს სფეროს შესაძლებლობები და დაეხმაროს საქართველოსა და რეგიონში მომუშავე კომპანიებს, ჩაერთონ ეკონომიკური წინსვლის პროცესში.
გამოფენის თემატიკა და სიახლეები
დამთვალიერებელს შესაძლებლობა ექნება გაეცნოს ინდუსტრიის უახლეს მიღწევებსა და პროდუქციას, მათ შორის:
● თანამედროვე სასოფლო-სამეურნეო ტექნიკა
● ინოვაციური სასათბურე მეურნეობის ტექნოლოგიები
● ეფექტური სარწყავი სისტემები
● სარგავი და სათესლე მასალები
● უახლესი ტიპის სასუქები და პესტიციდები
● კვების მრეწველობის მრავალფეროვანი პროდუქცია
საერთაშორისო კონფერენცია
გამოფენის პარალელურად, 28 ნოემბერს, 12:00-დან 16:00 საათამდე, ექსპოჯორჯიას ტერიტორიაზე გაიმართება სოფლის მეურნეობისა და კვების მრეწველობის საერთაშორისო კონფერენცია, სადაც დარგის აქტუალური საკითხები განიხილება.
დასწრება შესაძლებელი იქნება:
● 28-29 ნოემბერს, 11:00-დან 18:00 საათამდე.
Agro/Food/Drink/Tech/Expo 2025 არის უნიკალური შესაძლებლობა ინდუსტრიის წარმომადგენლებისთვის, დაამყარონ ახალი კონტაქტები, გაეცნონ გლობალურ ტენდენციებს და შეარჩიონ საუკეთესო ინოვაციური გადაწყვეტილებები მათი ბიზნესისთვის.
საინფორმაციო მხარდაჭერას უზრუნველყოფს საქართველოს აგროჟურნალისტთა ასოციაცია AGAJ.
მედია კონტაქტი:
მარიამ ცაიშვილი 599 55 02 40
ირინე ბალანჩივაძე 599 54 04 75
დემეტრე ერგემლიძე 599 04 70 90
ელფოსტა
info@agaj.ge
საგამოფენო ცენტრი ექსპო ჯორჯია, თბილისი, ა. წერეთლის გამზ. 118